އައްޑޫ ސިޓީން އިތުރު 14 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އައްޑޫ އެމެޖެންސީ އޮޕްރޭޝަން ސެންޓަރުން އިން ހާމަކޮށްފައިވާގޮތުން ހޮނިހިރު ދުވަހުގެ އިރުއޮއްސި ހަޔަކުން އާދީއްތަ ދުވަހުގެ އިރުއޮއްސި ހަޔަކަށް ކޮވިޑް ޓެސްޓް ހެދުމަށް އައްޑޫސިޓީން ނެގުނު 130 ސާމްޕަލްގެ ތެރެއިން 14 މީހަކު ކޮވިޑް 19 އަށް ޕޮޒިޓިވްވެފައިވާކަމަށެވެ.
މީގެ ތެރޭގައި ހިމެނެނީ ހިތަދުން ޕޮޒިޓިވްވި 5 މީހަކާއި ހުޅުދުން ޕޮޒިޓިވްވި 5 މީހުންގެ އިތުރަށް މީދުން ޕޮޒިޓިވްވި 4 މީހެކެވެ.
އައްޑޫ އެމެޖެންސީ އޮޕްރޭޝަން ސެންޓަރުން ހާމަކޮށްފައިވާގޮތުން އައްޑޫއިން ކޮވިޑަށް މިހާތަނަށް ޕޮޒިޓިވްވި 2768 މީހުންގެ ތެރެއިން 2494 މީހަކު ވަނީ ބަލިން ފަސޭހަވެފައެވެ. އަދި އައްޑޫސިޓީން ކޮވިޑް ޖެހުނު މީހުންގެ ތެރެއިން އިއްޔެއާއި ހަމައަށް ބަލިން ފަސޭހަނުވާ 264 މީހަކު ހިމެނޭކަމަށްވެސް އައްޑޫ ހޮސްޕިޓަލުން ހާމަކޮށްފައިވެއެވެ.
އައްޑޫގެ ރަށްރަށުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް މިހާރު އުޅެނީ ހިތަދޫގައެވެ . އެގޮތުން ހިތަދޫގައި ކޮވިޑްގެ 178 ކޭސް އުޅޭއިރު، މަރަދޫގައި 40 ކޭސް، ފޭދޫގައި 19 ކޭސް، މަރަދޫފޭދޫގައި 01 ކޭސް އަދި މީދޫގައި 16 ކޭސް ، ހުޅުދޫގައި 5 ކޭސް އުޅޭކަމަށް އައްޑޫ އެމެޖެންސީ އޮޕްރޭޝަން ސެންޓަރުން ހާމަކޮށްފައިވެއެވެ.
އައްޑޫސިޓީން އިއްޔެ (27/11/2021 ވަނަ ދުވަހު ) 17 މީހަކު ކޮވިޑަށް ޕޮޒިޓިވް ވެފައިވާއިރު ހުކުރުދުވަހު ( 26/11/2021 ވަނަ ދުވަހު ) ވެސް 20 މީހަކު ކޮވިޑަށް ޕޮޒިޓިވްވެފައިވެއެވެ.
ކޮމެންޓްސް (0)