މީދޫއާއި ހުޅުދުން މިއަދު 7 މީހަކު ކޮވިޑް 19 އަށް ޕޮޒިޓިވްވެއްޖެވެ.
މިއަދު ޕޮޒިޓިވްވި މީހުންގެތެރޭގައި ހިމެނެނީ ޑައިރެކްޓް ކޮންޓެކްޓުންގެ ގޮތުގައި ތިބި މީހުންގެ ތެރެއިން ނެގުނު ސާމްޕަލް ތަކުން ޕޮޒިޓިވްވި 5 މީހަކާއި ސަވައިލެންސް ސާމްޕަލްތަކުގެ ތެރެއިން ޕޮޒިޓިވްވި ދެ މީހެކެވެ.
މައުލޫމާތު ލިބިފައިވާގޮތުގައި މިއަދު ޕޮޒިޓިވްވި 7 މީހުންވެސް ޕޮޒިޓިވްވެފައިވަނީ މީދުންނެވެ.
މިއަދު ޕޮޒިޓިވްވި 7 މީހުންގެތެރޭގައި އެމްޓީސީސީގައި މަސައްކަތް ކުރަމުންއަންނަ މީހަކުވެސް ހިމެނޭކަމަށް މައުލޫމާތު ލިބިފައިވެއެވެ.
ކޮންޓްރޯލްވުމެއްނެތި މީދޫގައި ކޮވިޑް 19 މީދޫގައި ފެތުރެމުންދާއިރު ކޮވިޑް 19 އާއި ގުޅިގެން މީދޫއާއި ހުޅުދޫވެސް ވަނީ މޮނިޓަރިންގެ ހާލަތަށް ގެނެސްފައެވެ. އަދި ރޭގަޑު 9:00 އިން ފަތިހު 4:00 އަށް މިދެރަށުގައި ކާފިއު ހިންގާފައިވާކަމަށްވެސް އެޗްޕީއޭއިން ވަނީ ހާމަކޮށްފައެވެ.
ކޮމެންޓްސް (0)