މީދޫއާއި ހުޅުދުން އިއްޔެ 6 މީހަކު ކޮވިޑް 19 އަށް ޕޮޒިޓިވްވެއްޖެވެ.
އިއްޔެ ޕޮޒިޓިވްވި މީހުންގެތެރޭގައި ހިމެނެނީ ޑައިރެކްޓް ކޮންޓެކްޓުންގެ ގޮތުގައި ތިބި މީހުންގެ ތެރެއިން ނެގުނު ސާމްޕަލް ތަކުން ޕޮޒިޓިވްވި 5 މީހަކާއި ސަވައިލެންސް ސާމްޕަލްތަކުގެ ތެރެއިން ޕޮޒިޓިވްވި މީހެކެވެ.
މައުލޫމާތު ލިބިފައިވާގޮތުގައި އިއްޔެ ޕޮޒިޓިވްވި 6 މީހުންގެ ތެރެއިން 5 މީހުން ޕޮޒިޓިވްވެފައިވަނީ މީދުންނެވެ. އަދި ސަވައިލެންސް ސާމްޕަލްތަކުގެ ތެރެއިން ޕޮޒިޓިވްވެފައިވަނީ ހުޅުދޫގައި ދިރިއުޅެމުން އަންނަ އަތޮޅުމަދަރުސާގެ ޓީޗަރެކެވެ.
އިއްޔެ 6 މީހަކު ހުޅުދޫއާއި މީދުން ކޮވިޑަށް ޕޮޒިޓިވްވެފައިރު މިމަހުގެ 9 ވަނަ ދުވަހު 8 މީހުން 10 ވަނަ ދުވަހު ދެމީހުން އަދި 11 ވަނަ ދުވަހު 3 މީހުން މީދުން ކޮވިޑަށް ޕޮޒިވްވެފައިވާކަން ފާހަގަކޮށްލަންޖެހެއެވެ. މީދޫއާއި ހުޅުދޫގައި މިވަގުތު ތިބި ކޮވިޑް 19 ގެ އެކްޓިވް ކޭސްގެ ތަކަށް ބަލާއިރު މީދޫގައި 31 މީހަކު ތިބިއިރު ހުޅުދޫގައި ތިބީ 5 މީހެކެވެ.
ކޮމެންޓްސް (0)