ގައުމީ ގުރުއާން ކިޔެވުމުގެ މުބާރާތް: އައްޑޫސިޓީން ބައިވެރިކުރާ ދަރިވަރުންގެތެރެއިން އަތޮޅުމަދަރުސާގެ 7 ދަރިވަރަކު ހިމެނިއްޖެ

ރާއްޖޭގެ ގައުމީ ގުރުއާން ކިޔެވުމުގެ 34 ވަނަ މުބާރާތުގައި އައްޑު އަތޮޅުން ބައިވެރިކުރާ ދަރިވަރުންގެ ތެރެއިން އަތޮޅު މަދަރުސާގެ 7 ދަރިވަރަކު ހިމެނިއްޖެވެ.

މިމުބާރާތުގައި އައްޑޫސިޓީން ބައިވެރިކުރާނެ ދަރިވަރުން ހޮވުމަށް އައްޑޫސިޓީ ކައުންސިލުން އިންތިޒާމްކޮށްގެން އައްޑޫސިޓީގެ ސްކޫލް ތަކުގެ މެދުގައި ބޭއްވުނު ގުރުއާން މުބާރާތުން 34 ވަނަ ގައުމީ ގުރުއާން މުބާރާތުގައި ބައިވެރިވުމަށް އަތޮޅުމަދަރުސާއިން ހޮވިފައިވަނީ 7 ދަރިވަރެކެވެ.

އެއީ 15 އަހަރުން ދަށުގެ ހިތުން ކިޔެވުމުގެ ގޮފިން މަރިޔަމް ރަސާ ތައުފީގު ، 12 އަހަރުން ދަށުގެ ބަލައިގެން ކިޔެވުމުގެ ގޮފިން އައިޝަތު ނާސީ ނަސީރު ، 15 އަހަރުން ދަށުގެ ބަލައިގެން ކިޔެވުމުގެ ގޮފިން އާއިޝަތު މަންހާ ޖަލީލު ، 12 އަހަރުން ދަށުގެ ބަލައިގެން ކިޔެވުމުގެ ގޮފިން އާއިޝަތު މަލްކާ ޝިޔާމް ، 12 އަހަރުން ދަށުގެ ބަލައިގެން ކިޔެވުމުގެ ގޮފިން މަރިޔަމް މަލީހާ ހަލީމް ، 15 އަހަރުން ދަށުގެ ބަލައިގެން ކިޔެވުމުގެ ގޮފިން މުހައްމަދު ރާއިޝް މޫސާ އަދި 12 އަހަރުން ދަށުގެ ބަލައިގެން ކިޔެވުމުގެ ގޮފިން އައިޝަތު ޒައިނީ ވަހީދެވެ.