އައްޑޫ ސިޓީ އިން ކޮވިޑް ޖެހިގެން ރޭ މަރުވި މީހާގެ ހަށިގަނޑުން އަނިޔާގެ ނިޝާންތަކެއް ފެންނަން ހުރުމުން އެ މައްސަލަ ފުލުހުންނަށް ހުށަހަޅައިފިއެވެ.
މިމަހުގެ 27 ވަނަ ދުވަހުގެރޭ މެންދަމު 2:30 ހާއިރު އައްޑޫ ކޮވިޑް ފެސިލީޓީގައި ފަރުވާ ދެމުން ދަނިކޮށް 81 އަހަރުގެ ދިވެހި އަންހެނަކު ވަނީ މަރުވެފައެވެ. މިއީ އައްޑޫ އިން މިމަހު އެކަނި ކޮވިޑް ޖެހިގެން މަރުވި ފަސްވަނަ މީހާއެވެ.
ފުލުހުން ބުނީ އެ މައްސަލަ ފުލުހުންނަށް ހުށަހެޅީ މަރުވި މީހާގެ އާއިލާ އިން ކަމަށެވެ. އަދި އެ މައްސަލަ ބަލަމުން އަންނަ ކަމަށެވެ.
އައްޑޫ އިން ކޮވިޑް ޖެހިގެން މަރުވި މީހެއްގެ ހަށިގަނޑު އަނިޔާގެ ނިޝާންތަކެއް ފެންނަ މައްސަލައެއް ފުލުހުންނަށް ހުށަހެޅިއިރު މިދިޔަ މެއި މަހު ހުޅުމާލެ ކޮވިޑް ފެސިލިޓީގައި އޮތް ދުވަސްވީ ބަލި މީހަކަށް އަނިޔާކުރި އެހީތެރިއެއް ވެސް ފުލުހުން ހައްޔަރުކުރިއެވެ.
ކޮމެންޓްސް (0)