ރާއްޖެ ބަލިކޮށް އިންޑިއާ ސާފް ޗެމްޕިއަންޝިޕްގެ ފައިނަލަށް

އުރީދޫ ސާފް ޗެމްޕިއަންޝިޕް 2021 ގެ ފައިނަލަށް އިންޑިއާ ދަތުރުކޮށްފި އެވެ.

އިންޑިއާ ފައިނަލަށް ދަތުރުކުރީ ބުދަދުވަހުގެރޭ ކުޅުނު މެޗުން ރާއްޖެ 3-1 ގެ ނަތީޖާއަކުން ބަލިކޮށްގެންނެވެ.

މި މެޗުގައި ރާއްޖެއަށް ކާމިޔާބުކުރެވުނު ހަމައެކަނި ގޯލް ލިބުނު ޕެނަލްޓީއަކުން ކާމިޔާބުކޮށްދިނީ ރާއްޖޭގެ ޖާޒީ ނަމްބަރު 7، އަލީ އަޝްފާގް އެވެ.

މި މެޗުގައި އިންޑިއާއިން ކާމިޔާބުކުރި 3 ގޯލްގެ ތެރެއިން 2 ގޯލް އެޓީމަށް ކާމިޔާބުކޮށްދިނީ އިންޑިއާގެ ފުޓްބޯޅަ ރަސްގެފާނު ސުނިލް ޗެތްރީ އެވެ. އަދި އިންޑިޔާގެ އެނެއް ގޯލް އެޓީމަށް ކާމިޔާބުކޮށްދިނީ މަންވަރް ސިންގ އެވެ.

މިއާއި އެކު ފައިނަލްގައި އިންޑިއާ ވާދަކުރާނީ ނޭޕާލާއި އެވެ.