ރާއްޖޭގެ ތިން ރަށެއްގައި ގާއިމުކުރަމުންދާ ސެޓެލައިޓް ސްކޫލުތައް މި މަހު ހުޅުވައި، ކިޔަވައިދޭން ނިންމައިފިއެވެ.
މި މަހުގެ 24 ގައި ހުޅުވުމަށް ހަމަޖެހިފައިވާ، މި ތިން ސުކޫލު ގާއިމުކުރަމުންދަނީ ބ.ފެހެންދުއާއި، ވ.ރަކީދުއާއި، ވ.ތިނަދޫގައެވެ. މި ސްކޫލުތަކުން ޖާގަ ހޯދުމަށް ފޯމު ހުށަހެޅުމުގެ ފުރުސަތު މި މަހުގެ 14 ގެ ނިޔަލަށް ވަނީ ހުޅުވާލައިފައެވެ.
އެޑިއުކޭޝަނުން ބުނީ، މި ސުކޫލުތަކުގައި ކިޔަވަން ބޭނުންވާ ދަރިވަރުން ބޭނުންކުރަމުން ގެންދާނީ އެ ދަރިވަރަކު މިހާރު ކިޔަވަމުންދާ ސްކޫލެއްގެ ޔުނިފޯމު ކަމަށެވެ. އެޑިއުކޭޝަނުން ވަނީ ކޮންމެ ދަރިވަރަކަށް ބޭނުންވާނެ އިންޓަނެޓާއި، ކޮމްޕިއުޓަރުގެ ވަސީލަތްތައް ހަމަޖެހިގެންދާނެކަމަށް ވެސް ބުނެފައެވެ.
ސެޓެލައިޓު ސުކޫލު ގާއިމުކުރަނީ ސުކޫލު ނެތް ރަށްރަށާއި، ދަރިވަރުން ހަމަނުވުމުގެ ސަބަބުން ސްކޫލު ނުހިންގޭ ރަށްރަށުގައެވެ.
ކޮމެންޓްސް (0)