ފެނަކަ ކޯޕަރޭޝަން ލިމިޓެޑްގެ ބްރާންޗުތައް ސާފުކުރުމުގެ ޕްރޮގްރާމެއް ފަށައިފިއެވެ.
ފެނަކައިން ހާމަކޮށްފައިވާގޮތުން އެކުންފުނިން ހިދުމަތްދޭ 154 ރަށުގައިވެސް އެ ޕްރޮގްރާމް މިއަދު ކުރިއަށް ދާނެ ކަމަށެވެ. މިއަދު ހެނދުނު 7:00 އިން ފެށިގެން ކުރިއަށް ގެންދާ މި ޕްރޮގްރާމް ނިންމާލާނީ މިއަދު ހަވިރު 4:00 ގައެވެ.
މި ޕްރޮގްރާމްގެ ތެރެއިން ފެނަކައިގެ ހުރިހާ ބްރާންޗެއްގެ ގޯތިތެރެއާ އޮފީސްތެރެ ސާފު ކުރާނެއެވެ. ފެނަކައިން ހާމަކޮށްފައިވާގޮތުން އެކުންފުނީގެ ބްރާންޗް ތަކަގެ މަސައްކަތުގެ މާހައުލަކީ އާންމު ސިއްހީ މިންގަނޑުތަކަށް ފެތޭ ރައްކާތެރި މާހައުލެއްކަން ކަށަވަރުކުރުމަކީ އެ ކުންފުނިން ހާއްސަ ސަމާލުކަމެއްދޭ ކަމެއް ކަމަށެވެ.
އަދި އެ ކުންފުންޏަކީ ރާއްޖޭގެ ބޮޑު އާބާދީއަކަށް ފެނާއި ކަރަންޓުގެ ހިދުމަތްދޭ ކުންފުންޏަކަށް ވުމުން، ކުންފުނީގެ ހިދުމަތްތައްދޭ އޮފީސްތަކަކީ ކުންފުނީގެ ހިދުމަތް ލިބިގަންނަ އާންމު ރައްޔިތުންނަށް ރައްކާތެރި ތަނަކަށް ހެދުންވެސް މި ޕްރޮގްރާމްގެ މަގުސަދުތަކުގެ ތެރޭގައި ހިމެނޭ ކަމަށް އެ ކުންފުނިން ވަނީ ހާމަކޮށްފައެވެ
ފެނަކައިންހާމަކޮށްފައިވާގޮތުން މި ޕްރޮގްރާމްގެ ތެރެއިން ބްރާންޗްތަކުގެ އިންޖީނުގެތަކުގެ ކައްކާތެރިކަންވެސް ބަލައި ޗެކް ކުރެވޭނެ އެވެ
ކޮމެންޓްސް (0)