ކޮވިޑް-19 އަށް އައްޑޫސިޓީން މިއަދު ޕޮޒިޓިވްވީ 5 މީހުން ކަމުގައި އޭއީއެޗް އިން ހާމަކުރައްވައިފިއެވެ.
އޭއީއެޗްގެ ތަފާސް ހިސާބަށް ބަލާއިރު އާދީއްތަ ދުވަހުގެ އިރުއޮއްސި 6:00 އިން ފެށިގެން ހޯމަ ދުވަހުގެ އިރުއޮއްސި 6:00 ޖެހުމާއި ހަމައަށް ޕޮޒިޓިވްވި 5 މީހުންގެ ގެތެރޭގައި ހިމެނެނީ ހިތަދުން ޕޮޒިޓިވްވި 4 މީހުންނާއި މަރަދުން ޕޮޒިޓިވްވި މީހެކެވެ.
ހިތަދުން ޕޮޒިޓިވްވި މީހުންގެ ތެރެއިން 3 މީހުންނަކީ މީގެ ކުރީން ހިތަދުން ޕޮޒިޓިވްވި މީހުންގެ ޑައިރެކްޓް ކޮންޓެކްޓުންނެވެ. ދެން ޕޮޒިޓިވް ވެފައިވާ މީހާއަކީ ފްލޫ ކްލިނިކަށް ދެއްކި މީހެކެވެ. މަރަދުން ޕޮޒިޓިވްވި މީހާއަކީ ހޯމްކަރަންޓީނުގައި ހުރިމީހެކެވެ.
މިއަދު ޕޮޒިޓިވްވި 5 މީހުންގެ ތެރެއިން 4 މީހުންނަކީ ހިތަދޫ މީހުންކަމަށްވާތީ ހިތަދޫގައި މިހާރު އެކްޓިވް ކޭސްގެ ގޮތުގައި 121 މީހުންތިބި އޭއީއެޗް އިން ވަނީ ހާމަކޮށްފައެވެ. އަދި މަރަދުން މިއަދު ޕޮޒިޓިވްވިމީހާއާއިއެކު މަރަދޫގައި އެކްޓިވް ކޭސްގެ ގޮތުގައި ވަނީ 3 ކެވެ.
ތަފްސީލް އަންނަނީ
ކޮމެންޓްސް (0)