ރާއްޖޭގެ ޚާރިޖީ ވަޒީރު ޢަބްދުﷲ ޝާހިދު އދ 76 ވަނަ އާންމު މަޖިލީހުގެ ރައީސްކަމަށް އިންތިޚާބްވެ ވަޑައިގެންފިއެވެ. އަބްދުﷲ ޝާހިދު މިމަގާމަށް ހޮވިވަޑައިގެންފަވަނީ މިމަގާމަށް އޭނާއާ ވާދަ ކުރެއްވި ކެންޑިޑޭޓް އަފްޣާނިސްތާންގެ ކުރީގެ ފޮރިން މިނިސްޓަރ ޑރ. ޒަލްމާއޭ ރަސޫލް އާއި ވާދަކޮށް ބޮޑުތަފާތަކުން ކުރި ހޯއްދަވައިގެންނެވެ.
ރާއްޖޭގެ ގަޑިން މިރޭ 7:00 ގައި އދ ގެ އާއްމު މަޖިލިހުގައި ނެގުނު ސިއްރުވޯޓްގައި ޝާހިދުއަށް 143 ލިބިފައިވާއިރު މިމަގާމަށް ޝާހިދުއާއި ވާދަކުރެއްވި އަފްޣާނިސްތާނުގެ ކުރީގެ ފޮރިން މިނިސްޓަރު ޑރ.ރަލްމައި އަށް ލިބިވަޑައިގަތީ 48 ވޯޓެވެ.
ޝާހިދު ރައީސްކަމަށް ހޮވިވަޑައިގަތް އދ. ގެ 76 ވަނަ އާންމު މަޖިލިސް ދައުރު ފަށަން ތާވަލްކޮށްފައި ވަނީ އަންނަ ސެޕްޓެމްބަރު މަހުގެ 14 ވަނަ ދުވަހުގައެވެ. އދ އާއްމު މަޖިލިހުގެ ކޮންމެ ދައުރަކަށް ވަކި ރައީސަކު އިންތިހާބު ކުރަން ޖެހޭއިރު އާންމު މަޖިލީހުގެ ގަވާއިދުތައް ހަމަޖެހިފައިވާގޮތުން އާ މަޖިލިހުގެ ދައުރު ފެށުމުގެ ތިން މަސް ކުރިން މަގާމުތަކަށް މެމްބަރުން އިންތިހާބުކުރަން ޖެހެ އެވެ.
ރާއްޖެއަށް ލިބުނު މިކާމިޔާބީއާ އެކު ރައީސް އިބްރާހިމް މުހައްމަދު ސޯލިހް ވަނީ މަރުހަބާ ވިދާޅުވެ ޓުވީޓް ކުރައްވައިފަ އެވެ. އެ މަނިކުފާނު ޓުވިޓާގައި ވިދާޅުވި ވިދާޅުވެފައިވަނީ މިއީ ރާއްޖެއަށް ލިބުނު ވަރަށް ބޮޑު ޝަރަފެއްކަމަށާ ރާއްޖެ ފަޚުރުވެރިވާ ފަދަ މަސައްކަތްތަކެއް އާއްމު މަޖިލިހުގައި ޝާހިދު ކުރައްވާނެކަން އުއްމީދު ކުރައްވާ ކަމަށްވެސް ރައީސް ސޯލިހުގެ ޓުވިޓާގައި ވިދާޅުވެފައިވެއެވެ.
މި އިންތިހާބު ކާމިޔާބުކޮށް އާއްމު މަޖިލީހުގެ ރައީސްކަން ހޯދުމުގެ ކެމްޕެއިނަށް މި އަހަރު ރާއްޖޭގެ ބަޖެޓުން 4.3 މިލިއަން ރުފިޔާ ކަނޑައެޅި އެވެ
ކޮމެންޓްސް (0)