ޔޫރޯ އަންޑަރ ޓުވެންޓީވަން ފުޓްބޯޅަ މުބާރާތުގެ ފައިނަލްމެޗް މިރޭ ކުޅެވޭނެއެވެ.
މިރޭ ރާއްޖޭގެ ގަޑިން 12 ޖަހާއިރު ކުޅުމަށް ހަމަޖެހިފައިވާ ފައިނަލްމެޗްގައި ބައްދަލުކުރާނީ ޕޯޗްގަލްއާއި ޖަރުމަނެވެ.
މިއީ ޖަރުމަނުވިލާތުގެ ޓީމް މިމުބާރާތުގެ ފައިނަލްގައި ޖެހިޖެހިގެން ދާވަކުރާ ތިންވަނަ ފަހަރެވެ. 2017 ވަނަ އަހަރު މިމުބާރާތް ކާމިޔާބުކުރި ޖަރުމަނު ޓީމްވަނީ 2019 ވަނައަހަރުގެ ފައިނަލްގައިވެސް ވާދަކޮށްފައިވެއެވެ. ނަމަވެސް އެފަހަރު ސްޕެއިން އަތުން ޖަރުމަންވަނީ ބަލިވެފައެވެ
މިރޭ ފައިނަލްގައިވާކުރާ ޕޯޗްގަލްޓީމްގައި 2016 ވަނަ އަހަރު ޔޫރޯ އަންޑަރ ސެވަންޓީން މުބާރާތް ޕޯޗުގަލް ކާމިޔާބުކުރި ޓީމްގައި ހިމެނޭ ޑިއޮގޯ ޑަލޮޓް، ޑިއޮގޯ ލެއިޓެ، ގެޑްސަން ފެނާންޑޭޒް، ޑިއޮގޯ ކޯސްޓަރ، ޑިއޮގޯ ކުއިރޯސް، ޖޮޓާ، ޕްލޮރެންޓީނޯ އަދި ރަފައެލް ލިއާއޮ ޓީމްގައި ހިމެނެއެވެ.
އަދި އޭގެ ދެ އަހަރުފަހުން އަންޑަރ ނައިންޓީން ފައިނަލްގައި އިޓަލީ ބަލިކޮށް ތަށި އުފުލާލި ޕޯޗުގަލް ޓީމްގައި ހިމެނުނު ޖާއޮ ވަރޖީނިއާ، ފްލޮރެންޓީނޯ އަދި ޖޮޓާ ވަނީ ހިމެނިފައިވެއެވެ. އެހެންކަމުން ޕޯޗްގަލްޓީމަކީ ވަރުގަދަ ޓީމެއްގެ ގޮތުގައި ވަނީ ބަލިވެފައެވެ.
ޕޯޗްގަލް މިމުބާރާތުގެ ފައިނަލުން ޖާގަހޯދީ ކްއާޓާފައިނަލްގައި އިޓަލީ ބަލިކޮށް ސެމީފައިނަލްގައި އެންމެފަހުގެ ޗެމްޕިއަން ސްޕެއިން ބަލިކުރުމަށްފަހުގައެވެ.
މިމުބާރާތުގެ ފައިނަލުން ޖަރުމނު ޓީމް ޖާގަހޯދީ ކްއާޓަރ ފައިނަލްގައި ޑެންމާކް އާއި ބައްދަލުކުރިމެޗް ޕެނަލްޓީ ޖަހައިގެން ކާމިޔާބުކޮށް ސެމިފައިނަލްގައި ނެދަލަންޑްސް އާއި ބައްދަލުކުރިމެޗް ކާމިޔާބުކޮށްގެންނެވެ.
ކޮމެންޓްސް (0)