ކޮވިޑް ބަލި ޖެހިގެން ފަރުވާދެމުން ދިޔަ 30 އަހަރުގެ އަންހެނަކު މަރުވެއްޖެ އެވެ.
މިއީ ކޮވިޑްގައި ރާއްޖެ އިން ނިޔާވި އެންމެ އުމުރުން ހަގު މީހާއެވެ.
އެމީހާއަކީ ހުޅުމާލޭ މެޑިކަލް ފެސިލިޓީގައި އެޑްމިޓުކޮށްގެން ކޮވިޑަށް ފަރުވާ ހޯދަމުންދިޔަ މީހެކެވެ. އެމީހާ މަރުވެފައިވަނީ ފަރުވާދެމުން ދަނިކޮށް ފަތިހު 04:30 ގަ އެވެ.
ރޭ ވަނީ މިބަލީގައި އިތުރު މީހަކުވެސް ވަނީ މަރުވެފައެވެ. އެއީ 81 އަހަރުގެ ދިވެހި ފިރިހެނެކެވެ. ނާ މަރުވީ ރޭ މެންދަމު 02:38 ގައި ކަމަށް އެޗްޕީއޭއިން ވަނީ ބުނެފައެވެ.
މިއާއެކު ރާއްޖެއިން މިހާތަނަށް މަރުވި މީހުންގެ އަދަދު ވަނީ 96 އަށް އަރާފައެވެ.
ރާއްޖެ އިން ކޮވިޑަށް މިހާރު ފައްސިވާ މީހުންގެ ތެރޭގައި ގިނަ އަދަދެއްގެ ޒުވާނުން ހިމެނޭ ކަމަށް އެޗްޕީއޭ އިން ވިދާޅުވެއެވެ. މިދިޔަ ހަފްތާގައި އެޗްޕީއޭ އިން އާއްމުކުރި ތަފާސް ހިސާބުތައް ދައްކާ ގޮތުގައި ވެސް ހޮސްޕިޓަލްގައި އެޑްމިޓް ކޮށްގެން ފަރުވާ ދެމުން އަންނަ މީހުންގެ %40 އަކީ އުމުރުން 40 އަހަރުން ދަށުގެ މީހުންނެވެ.
ކޮވިޑުން ރައްކާތެރިވެތިބުމަށް ވެކްސިން ޖެހުމަށާއި، ބަލިން ރައްކާތެރިވުމަށް ކުރަން ޖެހޭ ކަންކަމަށް ސަމާލުވެ ތިބުމަށް ޑޮކްޓަރުން ދަނީ ކެނޑިނޭޅި އިލްތިމާސް ކުރަމުންނެވެ.
ކޮމެންޓްސް (0)