މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ ” ޒެއިސް އެވެނިއު” ގެ ނަމުގައި ހުޅުދޫގައި ދާދިފަހުން ހުޅުވި ފިހާރަ ހުޅުވި ދުވަހުގެރޭ ނަގާފައިވާ ފޮޓޯތަކެކެވެ. މިފިހާރަ ހުޅުވުމަށް ބޭއްވުނު ރަސްމިއްޔާތުގައި ފިހާރަ ހުޅުއްވައިދެއްވީ ސ. އަތޮޅުމަދަރުސާގެ ކުރީގެ އިސްލާމް މުދައްރިސް އަބްދުﷲ ނަޖީބެވެ.
މިފިހާރައިން ބޮޑެތި މީހުން އަދި ކުޑަކުދިންގެ އަންނައުނުގެ އިތުރަށް ރީތިވުމަށް ބޭނުންވާ ކޮސްމެޓިކްސްގެ ތަފާތު ގިނަ ބާވަތްތައް ލިބެން އެބަހުރިއެވެ.
ފިހާރަ ހިންގުމާ ހަވާލުވެ ހުރި ފަރާތުން ވީއޯއެމް އަށް މައުލޫމާތު ދެމުން ބުނީ އަންހެނުންނާއި ފިރިހެނުން އަދި ކުޑަކުދީންގެ ތަފާތު ބްރޭންޑްތަކުގެ ހެދުމާއި ރީތި ވުމަށް ބޭނުންވާ ކޮސްމެޓިކްސްގެ ތަފާތު ބާވަތްތައް ލިބޭގޮތައް ހާއްސަކޮށްގެން ހުޅުދޫގައި ފިހާރައެއް ހުޅުވުމުގެ މަގުސަދަކީ ހުޅުދޫއާއި މީދޫގައި ދިރިއުޅެމުންދާ ބޭފުޅުންނަށް ރަށުގައި ތިބެގެން ތަފާތު ފެންވަރު ރަގަޅު އެންމެ ފަހުގެ ފެޝަންތަކުގެ ތަކެއްޗާ ކޮސްމެޓިކްސްގެ ބާވަތައް ލިބޭނެ އިންތިޒާމް ހަމަޖައްސައިދިނުންކަމަށެވެ.
މި ފިހާރައިން ހުޅުމީދޫގެ އެހެން ފިހާތަކުން ލިބެން ނުހުންނަ އަންނައުނުގެ އިތުރުން ބޫޓް، ފައިވާން، ދަބަސް، ޝޯލް އަދި ކޮސްމެޓިކްސްގެ ތަފާތު ގިނަ ބާވަތްތައް ލިބެން ހުންނާނެކަމަށް މިފިހާރައިން މައުލޫމާތުދީފައިވެއެވެ.