އައްޑޫސިޓީ މީދޫ ދާއިރާގެ މަރަދޫފޭދޫ އައިލެންޑް ވޮއިސް އޮފް ޔޫތުން އިންތިޒާމްކޮށްގެން މަރަދޫފޭދޫ އަވަށުގައި ކުރިއަށް ގެންދިޔަ ” އައިވީ މިކްސްޑް ވޮލީ މުބާރާތުގެ ” އެންމެ މޮޅު އަންހެން 6 ކުޅުންތެރީންގެ ތެރޭގައި އެމްއީސީ މީދޫޓީމްގެ 2 ކުޅުންތެރިއަކު ހިމެނިއްޖެވެ.
މިމުބާރާތުގެ އެންމެ މޮޅު 6 ކުޅުންތެރީންގެ ތެރޭގައި ހިމެނުނު މީދޫޓީމްގެ 2 ކުޅުންތެރީންނަކީ ސުޒީއާއި އަޒާއެވެ. މީގެ އިތުރަށް އެންމެ މޮޅު 6 ކުޅުންތެރީންގެ ތެރޭގައި ދެން ހިމެނުނީ މަރަދޫފޭދޫޓީމްގެ ހައްވާ އާސިމާ ، މަރަދޫފޭދޫ އޯލްސްޓަރގެ އާއިޝަތު ޝިފްނާގެ އިތުރަށް މިމުބާރާތުގެ ޗެމްޕިއަކަން ހޯދި ފޭދޫ ފާހި ޓީމްގެ ނުސްރާގެ އިތުރަށް އެޓީމްގެ އައިޝަތު ޝިފްނާއެވެ.
މިމުބާރާތުގެ ފައިނަލްމެޗްގައި ސީދާ ތިންސެޓުން މީދޫޓީމް ބަލިކޮށް މިމުބާރާތުގެ ޗެމްޕިއަންކަން ފޭދޫޓީމުން ހޯދިއިރު މިދެޓީމް މިމުބާރާތުގެ 3 ވަނަ މެޗްގައި ވާދަކޮށް ކުޅުނު މެޗުން ސީދާ ތިންސެޓުން ކާމިޔާބުކުރީ މީދޫޓީމުކަން ފާހަގަކޮށްލަންޖެހެއެވެ.
ކޮމެންޓްސް (0)