އައްޑޫސިޓީ މީދޫ ދާއިރާގެ މަރަދޫފޭދޫ އައިލެންޑް ވޮއިސް އޮފް ޔޫތުން އިންތިޒާމްކޮށްގެން މަރަދޫފޭދޫ އަވަށުގައި ކުރިއަށް ގެންދިޔަ ” އައިވީ މިކްސްޑް ވޮލީ މުބާރާތުގެ ” އެންމެ މޮޅު ފިރިހެން 6 ކުޅުންތެރީންގެ ތެރޭގައި މީދޫޓީމްގެ 3 ކުޅުންތެރިއަކު ހިމެނިއްޖެވެ.
އެންމެ މޮޅު 6 ކުޅުންތެރީންގެ ތެރޭގައި ހިމެނުނު މީދޫ ކުޅުންތެރީންނަކީ ރާއީ ، އައްޑޯ އަދި ޝާޠިރުއެވެ. މީގެ އިތުރަށް އެންމެ މޮޅު 6 ކުޅުންތެރީންގެ ތެރޭގައި ދެން ހިމެނުނީ މަރަދޫފޭދޫޓީމްގެ ހަސަން ސަލާހުއާއި ފޭދޫޓީމްގެ އަހައްމޫގެ އިތުރަށް އެޓީމުގެ މޫނާއެވެ.
ފޭދޫޓީމުން ފައިނަލް މެޗް ސީދާ ތިންސެޓުން މީދޫޓީމް ބަލިކޮށް މިމުބާރާތުގެ ޗެމްޕިއަންކަން ހޯދިއިރު މިދެޓީމް މިމުބާރާތުގެ 3 ވަނަ މެޗްގައި ވާދަކޮށް ކުޅުނު މެޗުން ސީދާ ތިންސެޓުން ކާމިޔާބުކުރީ މީދޫޓީމުކަން ފާހަގަކޮށްލަންޖެހެއެވެ.