ގައުމު އެފްސީން އިންތިޒާމުކޮށްގެން މީދޫގައި ބާއްވާ “ގައުމު ސްޓްރީޓް ކަޕް” ފުޓްބޯޅަ މުބާރާތުގައި ގްރޫޕް އޭގައި ހިމެނޭ ޓީމްތަކުގެ ތެރެއިން މީދޫ އެފްސީ ޗެލެންޖާސްއާއި ހިތަދޫ އުސްގަޑަ ޖޫނިއާސް ބައްދަލުކުރި މެޗް އެއްވަރުވެގެން ނިމިއްޖެވެ.
މިއަދު ހަވީރު މީދޫ ފުޓްސަލް ދަނޑުގައި ކުޅުނު މިމެޗު އެއްވަރުވީ 1-1 ންނެވެ. ފޯރިގަދަ ކުޅުމެއް ފެނިގެން ދިޔަ މި މެޗުގައި ފުރަތަމަ ލަނޑު ޖަހައި ލީޑް ނެގީ އުސްގަޑަ ޖޫނިއާސްއެވެ. މިލަނޑު އެޓީމަށް ކާމިޔާބުކޮށްދިނީ އބްރާހިމް އާލަމްއެވެ.
އެފްސީ ޗެލެންޖާސްއިން ލަނޑެއް ޖަހާ މެޗުގެ ނަތީޖާ އެއްވަރުކޮށްދިނީ އެޓީމުގެ ސަހާފްއެވެ.
މިމެޗް އެއްވަރުވެގެން ނިމުނުކަމުގައިވިޔަސް ދެޓީމްގެ ކުޅުންތެރިންނަށްވެސް ލަނޑު ޖަހާނެ ފުރުސަތުތަކެއް ލިބި ވަނީ ކާމިޔާބު ނުވެފަ އެވެ. .
މިމެޗް އެއްވަރުވެގެން ނިމުމުން ޗެލެންޖާސްއަށް 3 މެޗު ކުޅެގެން ލިބިފައިވަނީ 7 ޕޮއިންޓެވެ. އުސްގަޑަ ޖޫނިއާސް މިމުބާރާތުގައި ކުރީން ކުޅުނު މެޗްގައި ކްލަބް ރިވެރިން ނެކްސަސް އާއި ބައްދަލުކޮށް 3 ލަނޑު 0 ލަނޑުން ވަނީ ބަލިވެފައެވެ. އެހެންކަމުން އެޓީމަށް ދެމެޗް ކުޅެގެން ލިބިފައިވަނީ 1 ޕޮއިންޓެވެ.
ކޮމެންޓްސް (0)