ގައުމުއެފްސީން އިންތިޒާމްކޮށްގެން މީދޫގައި މިރޭ ފެށުމަށް ހަމަޖެހިފައިވާ ” ގައުމު ސްޓްރީޓްކަޕް ” ފެށުމުގެ ރަސްމިއްޔާތުގެ ތެރެއިން ހިމެނިގެން ކުޅެވުނު އަންހެނުންގެ ފުޓްސަލްމެޗް ހުޅުދޫ ފަރިޓީމް ކާމިޔާބުކޮށްފިއެވެ.
މީދޫ ފުޓްސަލް ދަނޑުގައި މިރޭ ކުޅެވުނު މިމެޗް ފަރިޓީމް ކާމިޔާބުކޮށްފައިވަނީ މީދޫޓީމާ ވާދަކޮށް 3 ލަނޑު 0 ލަނޑުންނެވެ.
މިމެޗްގައި ފަރިޓީމުން ކާމިޔާބުކުރި 3 ލަނޑުގެ ތެރެއިން ފުރަތަމަލަނޑު ފުރަތަމަ ހާފްގެ 2 ވަނަ މިނިޓްގައި ކާމިޔާބުކޮށްދިނީ ޒައިނާއެވެ.
މިމެޗްގައި ފަރިޓީމުން ކާމިޔާބުކުރި 2 ވަނަ ލަނޑު ދެވަނަ ހާފްގެ 8 ވަނަ މިނިޓްގައި ކާމިޔާބުކޮށްދިނީ މަމްޝޫދާއެވެ. އަދި އެޓީމްގެ 3 ވަނަ ލަނޑު 9 ވަނަ މިނިޓްގައި ކާމިޔާބުކޮށްދިނީ ފުރަތަ ލަނޑުވެސް ކާމިޔާބުކޮށްދިން ޒައިނާއެވެ.
މީދޫ ކައުންސިލަރު ހިޔާޒު ޝަރަފްވެރިކޮށްދެއްވި މިމެޗްގެ މޮޅު ކުޅުންތެރިއަކަށް ހޮވުނީވެސް މިމެޗްގައި ފަރިޓީމަށް 2 ލަނޑު ކާމިޔާބުކޮށްދިން ޒައިނާއެވެ.
މިމެޗުން މޮޅުވިޓީމަށް ގައުމު އެފްސީން ޓްރޮފީއެއްދީފައިވެއެވެ.