9 ލަނޑު 3 ލަނޑުގެ ބޮޑުތަފާތަކުން އެފްސީ ބަސްޕާކް ބަލިކޮށް އެފްސީ އަމީގޯސް ޔޫތު ޗެލެންޖާސް ކަޕް 2020 ގެ ފައިނަލަށް ދަތުރުކޮށްފި އެވެ
އިއްޔެ ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗް އަމީގޯސް ޓީމުން ކާމިޔާބުކުރި 9 ލަނޑުގެ ތެރެއިން 4 ލަނޑު ކާމިޔާބުކޮށްދީފައިވަނީ ރަޔަންއެވެ. އެޓީމުގެ އަނެއް 5 ލަނޑުގެ ތެރެއިން ގުރޫ ދެލަނޑު ، ޑިއު 1 ލަނޑު އަދި ލެވިޗް 1 ލަނޑު ކާމިޔާބުކޮށްދީފައިވާއިރު އެޓީމުގެ އަނެއް ލަނޑަކީ ބަސްޕާކުގެ އިންތިއަތުން ބައިކޮޅަށް ވަދެފައިވާ ލަނޑެކެވެ.
ބަސްޕާކުން ކާމިޔާބުކުރި 3 ލަނޑުގެ ތެރެއިން އިންތި 2 ލަނޑު ކާމިޔާބުކޮށްދީފައިވާއިރު އެޓީމުގެ އަނެއް ލަނޑު ކާމިޔާބުކޮށްދިނީ އިމްރާނެވެ.
އިއްޔެ ކުޅެވުނު މިމެޗްގެ މޮޅު ކުޅުންތެރިއަކަށް ހޮވިފައިވަނީ މިމެޗްގައި އަމީގޯސްއަށް 4 ލަނޑު ކާމިޔާބުކޮށްދިން ރަޔަންއެވެ.
މިމުބާރާތުގެ ފައިނަލް މެޗްކުޅުމަށް ހަމަޖެހިފައިވަނީ މާދަމާ ( 30 ޖުލައި 2020 ވާ ބުރާސްފަތި ދުވަހުއެވެ. )
ފައިނަލްމެޗްގައި ބައްދަލުކުރާނީ އަމީގޯސްއާއި އެތުލެޓިކް އެފްސީއެވެ. މިދެޓީމް ގްރޫޕް ސްޓޭޖްގައި ބައްދަލުކޮށް ކުޅުނުމެޗް 12 ލަނޑު 3 ލަނޑުގެ ބޮޑުތަފާތަކުން ކާމިޔާބުކުރީ އަމީގޯސްއެވެ.
އެހެން ކަމުން ގިނަ ބަޔަކު ގަބޫލްކުރާގޮތުގައި މާދަމާގެ ފައިނަލްވެސް އެތުލެޓިކް ފަސޭހަކަމާއެކު ބަލިކުރުމަށްފަހު އަމީގޯސްއިން މިމުބާރާތުގެ ޗެމްޕިއަންކަން ހޯދާނެއެވެ.