މީދޫޓީމަކާ ހިތަދޫ ޓީމަކާ ދެމެދު ކުޅެވުނު އެކުވެރިކަމުގެ ފުޓްބޯޅަމެޗް ހިތަދޫޓީމް ކާމިޔާބުކޮށްފިއެވެ.
ޔާސީންގެ ކޯޗްކަމުގެ ދަށުގައި ހުކުރު ދުވަހު ( 3 ޖުލައި 2020 ވަނަ ދުވަހު ) ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗް ހިތަދޫޓީމް ކާމިޔާބުކޮށްފައިވަނީ 5 ލަނޑު 0 ލަނޑުންނެވެ.
މިމެޗްގައި ހިތަދޫޓީމުން ކާމިޔާބުކުރި ފަސްލަނޑުގެ ތެރެއިން 2 ލަނޑު ފުރަތަމަ ހާފްގައި ކާމިޔާބުކޮށްފައިވާއިރު އެޓީމުގެ އަނެއް 3 ލަނޑު ކާމިޔާބުކޮށްފައިވަނީ ފަހުހާފްގައެވެ.
ހިތަދޫޓީމަކާ މީދޫޓީމަކާ އެންމެ ފަހުން ބައްދަލުކޮށްފައިވަނީ 14 އޮކްޓޯބަރ 2019 ވަނަ ދުވަހުއެވެ. އެއީ ސިޔާ ކަޕްގެ ސެމީފައިނަލްގައި ހިތަދޫ ކްލަބް ރިވެރިންއާއި މީދޫ ގައުމު އެފްސީ ބައްދަލުކޮށް ކުޅުނުމެޗެވެ. އެމެޗްވެސް ކާމިޔާބުކޮށްފައިވަނީ ހިތަދޫ ކްލަބް ރިވެރިންއެވެ. އެޓީމް އެދުވަހުގެމެޗް ކާމިޔާބުކޮށްފައިވަނީ 5 ލަނޑު 1 ލަނޑުނެވެ.
ކޮމެންޓްސް (0)