ފެނަކަ ކޯޕަރޭޝަން ލިމިޓެޑ (ފެނަކަ) އިންވެސް ޖޫން މަހުގެ ކަރަންޓު ބިލުން 40 ޕަސެންޓް ކުޑަކޮށްފިއެވެ.
ކަން ހާމަކުރައްވައި ފެނަކައިން ދާދި ދެންމެ ކުރެއްވި ޓްވީޓެއްގައި ބުނެފައިވަނީ، ޖޫން މަހުގެ ކަރަންޓް ބިލްތަކުން 40 ޕަސެންޓް ޑިސްކައުންޓް ފެނަކައިގެ ކަސްޓަމަރުންނަށްވެސް ދިނުމަށް ސަރުކާރުން ވަނީ ނިންމަވާފައި ކަމަށެވެ.
ފެނަކައިން މައުލޫމާތު ދޭގޮތުގައި ޖޫންމަހުގެ ބިލްތަކަށް މިހާރު ފައިސާ ދައްކަވާފައިވާ ފަރާތްތަކަށް ޖޫންމަހުގެ ބިލުގެ 40 ޕަސެންޓް އަށްވާ ފައިސާގެ އަދަދު އަންނަ ޖުލައިމަހުގެ ބިލްއިން އުނިކުރެވިގެން ދާނެ އެވެ.
ސަރުކާރުގެ މަޝްްވަރާއާ އެއްގޮތަށް ރާއްޖޭގައި ކަރަންޓް ފޯރުކޮށްދޭ ސްޓެލްކޯއިންނާއި، ފެނަކައިންވެސް ޖޫން މަހުގެ ކަރަންޓް ބިލުން، 40 އިންސައްތަ ޑިސްކައުންޓް ދޭން ނިންމިއިރު، ކޮވިޑް-19 އާ ގުޅިގެން މިދިޔަ އޭޕްރިލް އަދި މެއި މަހުވެސް ކަރަންޓް ބިލުން 40 އިންސައްތަ ކަނޑާދީފައި ވެއެވެ.
ކޮމެންޓްސް (0)