ކޮވިޑް 19 އަށް ގއ. މާމެންދޫއިން އިތުރު ދެމީހަކު ޕޮޒިޓިވް ވެއްޖެވެ.
މާމެންދޫން ކޮވިޑް 19 އަށް ޕޮޒިޓިވްވި ދެމީހުންގެ ސާމްޕަލް ނަގާފައިވަނީ އިއްޔެއެވެ. އަދި އެދެމީހުން ކޮވިޑަށް ޕޮޒިޓިވް ވެފައިވާކަން އެނގިފައިވަނީ މިއަދު ހަވީރުއެވެ.
މިދެމީހުންނަކީ މާމެންދޫއިން ކޮވިޑް އަށް މިދިޔަ ބުރާސްފަތި ދުވަހު ޕޮޒިޓިވްވި މީހާއާއި އެއްގެއެއްގައި އުޅުނު ދެމީހުންނެވެ.
އެނގިފައިވާ ގޮތުގައި މިއަދު އެރަށުން ޕޮޒިޓިވްވެފައިވާ މިދެމީހުން މާމެންދޫއަށް ދިޔައީ މިމަހުގެ 13 ވަނަ ދުވަހު ކޫއްޑޫ މަގުންނެވެ. އެދެމީހުން ކޫއްޑޫމަގުން މާމެންދުއަށް ދަތުރުއެފްލައިޓުން އެމީހުންނާއެކު 40 މީހުން ދަތުރު ކުރިކަމަށް ވެސް މައުލޫމާތު ލިބިފައިވެއެވެ.
މާމެންދޫއިން ފައްސިވެފައިވާ މިދެމީހުންނާއެކީ ދެން އެފްލައިޓުގައި ތިބީ ގެމަނަފުށްޓަށް ދަތުރުކުރި މީހުން ތަކެކެވެ.
މާމެންދޫއިން ފެނުނު ފުރަތަމަ ކޭސްއާއެކު އެންއީއޯސީން މީގެކުރިން ބުނެފައިވަނީ، މާމެންދޫ އަދި ގެމަނަފުށި މޮނިޓަރިންގެ ހާލަތަށްލުމާމެދު ގޮތެއް ނިންމާނެ ކަމަށެވެ.